Organizatat ndërkombëtare thirrje qeverisë shqiptare për të mos votuar paketën “anti-shpifje”

January 30, 2020

Organizatat ndërkombëtare të shtypit dhe të lirisë së medies kanë reaguar sërish kundër zotimit të qeverisë shqiptare për të votuar paketën e quajtur “anti-shpifje” .

Qendra Evropiane e Shtypit dhe Lirisë së Medies (ECPMF) me anë të një reagimi në twitter i kërkoi Kryeministrit Rama të mos votojë në parlament ligjin për mediet, pasi nuk është në standardet ndërkombëtare.

“#ECPMF i kërkon kryeministrit të Shqipërisë Edi Rama të mos vazhdojë përpara me ndryshimet e ligjit për mediet sot në parlament, pasi qartësisht nuk janë në përputhje me standardet më të mira ndërkombëtare. Ne i kërkojmë Ramës të presë për mendimin e Komisionit të Venecias për ligjet e medies”.

#ECPMF is asking #Albania‘s PM Edi Rama NOT to go ahead with media law changes in parliament today as they are clearly not in line with best international standards. We ask Rama to wait for @coe @VeniceComm’s opinion on the media laws! @CoEMediaFreedom @EFJEUROPE @IFEX @OSCE_RFoM

— ECPMF (@ECPMF) January 30, 2020

 Një javë më parë Komisioni i Venecias lajmëroi se ka marrë një kërkesë nga Komiteti Monitorues i Asamblesë Parlamentare të Këshillit të Evropës për të dhënë një mendim në lidhje me ligjin shqiptar nr. 97/2013 për shërbimin e Medieve Audiovizive.

Article 19, një organizatë tjetër e fokusuar në mbrojtjen e lirisë së shprehjes i bëri thirrje kryeministrit Rama për të ndalur miratimin e “paketës anti-shpifje”.

” Ne i bëjmë thirrje Kryeministrit Edi Rama që të ndalë lëvizjet në parlament për të miratuar “paketën anti-shpifje” deri sa Komisioni i Venecias të ketë publikuar mendimin e tyre për ndryshimet e propozuara në ligjet e medies. Çdo ndryshim duhet të jetë në përputhje me standardet ndërkombëtare”.

#Albania: We urge PM @edirama

to halt moves in parliament to enact the proposed “anti-defamation package” until the Venice Commission has published their opinion on the proposed changes to media laws.

Any changes must be in line with intl standards. https://t.co/lBXIctrqqO

— ARTICLE 19 ECA (@article19europe) January 30, 2020

 Ricardo Gutierrez, sekretar i Përgjithshëm i Federatës Evropiane të Gazetarëve (EFJ), organizatë e cila përfaqëson gazetarët nga 45 vende, u shpreh se ligji i ri anti-shpifje kërcënon lirinë e medies online në Shqipëri.

“Ne sapo raportuam te Komisioni Evropian kërcënimet e vazhdueshme në lirinë e medies dhe në lirinë e shprehjes në Shqipëri”.

We just reported to the @EU_Commission the ongoing threats on #MediaFreedom and #FreedomOfExpression in #Albania

— Ricardo Gutiérrez (@Molenews1) January 30, 2020

“Mesazhi jonë për Kryeministrin Edi Rama: Mos shko më tutje me këto ligje të turpshme censuruese në Kuvend sot . Të gjithë demokratët e kanë denoncuar atë”.

Our message to Albanian PM Edi Rama: Don’t go ahead with these shameful censorship laws in Parliament today. All Democrats have denounced it

— Ricardo Gutiérrez (@Molenews1) January 30, 2020

David Lega, anëtar i Parlamentit Evropian , u shpreh i shqetësuar për votimin e sotshëm në Kuvendin e Shqipërisë.

“I shqetësuar për votimin e ardhshëm në Shqipëri. Është problematik  për zhvillimin demokratik si dhe për bisedimet  e mundshme në të ardhmen”.

Worried about upcoming vote in Albania today. It’s troublesome for the democratic development as well as for possible future ascension talks. More on https://t.co/J4LHMavbOT pic.twitter.com/rnJKepJ2pP

— David Lega (@DavidLega) January 30, 2020

Ai tha se votimi i sotshëm mund të ndikojë në hapjen e negociatave për anëtarësim të Shqipërisë në Bashkimit Evropian. 

“Nëse administrata Rama miraton legjislacionin e medies në formën aktuale, ajo do të rrezikojë seriozisht shanset për hapjen e negociatave për anëtarësim në BE.  Ata duhet të jenë në përputhje me rekomandimet e dhëna nga Komisioni Evropian dhe Këshilli i Evropës.

<— If the Rama administration approves the media legislation in plenary in its current form it will seriously endanger the chances for opening of EU membership negotiations. They need to comply with the recommendations issued by the European Commission and the Council of Europe.

— David Lega (@DavidLega) January 29, 2020

 Ligjet për medien të miratuara në dhjetor të vitit 2019 u kthyen pas nga Presidenti Ilir Meta, ndërsa sot mazhoranca kërkon të rrëzojë dekretin e presidentit duke mos marrë parasysh as thirrjet e organizatave ndërkombëtare dhe ato të vendit për të hequr dorë. 

*Citizens Channel/ E.K/